| 收到了一個email........睇完真的哭了~人生總係變幻無常的........因此我更珍惜身邊ge"你"~ 以下只係一篇好短既醫生手記文章(區樂民醫生)
但已經足以令人雙眼通紅鼻酸酸 .....
有一位老婆婆 個子唔高 、但係好肥 、行路既時侯需要枴杖支援。
每隔兩個月老公公都會陪老婆婆到醫院覆診,
因為老婆婆患有高血壓。
某夜 、老婆婆左邊身麻痺入院 ,
經過電腦掃瞄顯示右腦出血。
我如實話比老公公知 、佢無出聲 、只係無奈咁望住我 ,
淚水已經湧現。
第二朝、意料之外 、老婆婆既情況唔係想像中咁壞 ,
而且頭腦清醒。
入院之後既第五日 、老婆婆問我 :
呢兩日伯爺公點解無黎探我既 ?
一個實習護士話比我聽 、早兩日老公公突然心肌梗塞 ,
住左響對面既男病房。兩老無兒無女、最親既都只係姪仔。
今日、姪仔帶左兩樽果汁黎醫院 、先去探老公公 ,再去探老婆婆。
過左幾日 、老公公既病情剛剛穩定 ,
就嚷住要出院照顧老婆婆,
經過一番溝通之後 、主治醫生諗左一個折衷辦法 :
首先老公公換番自己既衫 、坐住輪椅 ,由工友推到女病房門口 ,
而為左安全起見 、醫生護士都要跟埋老公公一齊 .
老公公蹣跚地企起身 、手執果汁 、走到老婆婆床邊 :買比妳飲嫁。
老婆婆嗲起黎 : 呢幾日唔見你既伯爺公 、咩事呀 ? 病左咩?
老公公微笑 : 唔係呀伯爺婆 ... 姪孫結婚啦 ,我要幫佢打點一下嘛。
呢一個、係我咁耐以來聽過最動人最感動既一個謊話。
人生就好似變幻莫測既天氣 、雖然可以預料 ,但往往都出人意表 ...
老公公既心臟日復日咁康復 、準備出院那天 、病情突然惡化,撒手塵寰。
姪仔辦理完死亡證明之後就黎搵我 ,要求暫時唔好話比老婆婆知 ,
因為老公公死前遺言 : 照顧伯爺婆,
唔好話佢知我既事,唔想佢受剌激。
呢個時候、無一個在場既人唔感動唔流下眼淚、包括我 .....
當日我巡房既時侯老婆婆又問 : 伯爺公D果汁喝曬啦,點解佢又不見人?
護士強忍眼淚 : 妳唔記得左咩? 姪孫過兩日結婚啦! 老公公要幫手嘛。
第二朝清早 、我發覺老婆婆床頭多左樽瓶果汁,聽到護士同老婆婆話 :
老公公剛黎過 、佢見妳訓得咁甜 ,
唔捨得叫醒妳,放低果汁就走左啦。
當護士一轉身發覺我企響度既時候 、立刻雙頰通? 鶠C
我微微一笑 、拍左佢膊頭一下、慶幸佢果顆愛心 ,不為歲月冷卻。
當日下晝 ,護士長察覺坐響梳發對住窗望風景既老婆婆無左呼吸 ,
我迅速跑去一手抱起老婆婆 ,再聯同護士將婆婆放上病床急救 ....
搶救二十分鐘之後 、我宣佈失敗 ....
我一邊寫報告記錄 、一邊諗起「陪著你走」既一句歌詞 :
如果、走到這世界邊端 、我倆已是無力前行 ,跟我一起飛去.....
護士長走過黎同我講 : 估唔到妳咁大力 ,一手就可以抱起老婆婆。
我只係報上微笑、因為我已經唔想講任何野,我怕我忍唔住眼淚 ....
老婆婆的確好肥 、但係好輕 ,
因為佢既靈魂已經跟老公公飛走左啦.....
愛' -- 雖然只係一個字
但係無人亦都無野可以具體咁解釋呢個字 .....
正如糖好甜、花好香 ...
根本無得解釋,要用心同親身體會先可以感受。
真正既愛~~應該係堆藏響心裡面、去體會、去感受、去領悟.....
即使天會變~~月會圓 花會枯 人會老 .....
有生之年請珍惜你所愛以及愛你既人 |
